Sumo რობოტების შეჯიბრი

საქართველოს რობოტიკის ასოციაციის (GRA) ორგანიზებით 20 ივნისს გაიმართება SUMO რობოტიკის ჩემპიონატი.

გამარჯვებულ გუნდებს შესაძლებლობა ექნებათ საქართველოს სახელით მონაწილეობა მიიღონ ევროპის ჩემპიონატზე.

ღონისძიების მიზანია მთელი საქართველოს მასშტაბით გააერთიანოს ინოვატორები, ინჟინრები, ტექნოლოგიებითა და რობოტიკით დაინტერესებული პირები, რომლებიც საკუთარი დიზაინითა და ტექნიკური ცოდნით შექმნიან დამოუკიდებლად მოქმედ რობოტებს და შეეჯიბრებიან ერთმანეთს სხვადასხვა კატეგორიაში.

SUMO რობოტების შეჯიბრებაში მონაწილეობის პირობები:

• შეჯიბრებაში მონაწილეობა შეუძლია 14 წელს ზემოთ ნებისმიერ დაინტერესებულ პირს, რომელსაც სურს მონაწილეობა და აქვს შესაბამისი აღჭურვილობა. შეჯიბრებაზე დაიშვება სასკოლო გუნდებიც.
• გასათვალისწინებელია, რომ ყველა დავალებას რობოტი უნდა ასრულებდეს დამოუკიდებლად პროგრამული კოდის გამოყენებით. დაუშვებელია შეჯიბრების დროს მონაწილემ რობოტი დისტანციურად მართოს.

SUMO რობოტის სპეციფიკაციები

• Mini SUMO: 0,5 კგ-მდე რობოტები, რომლებიც ჩაეტევიან 10x10 სმ ზომის ყუთში
• Mega SUMO: 0,5-დან 3 კგ-მდე რობოტები, რომლებიც ჩაეტევიან 20x20სმ ზომის ყუთში

ჯგუფის წევრების მინიმალური რაოდენობა 2, მაქსიმალური კი 5 პირია. (იმ შემთხვევაში თუ გუნდში მონაწილე პირი არის არასრულწლოვანი, აუცილებელია გუნდში ჰყავდეს მინიმუმ ერთი სრულწლოვანი, 18+ მონაწილე პირი).შესაძლებელია გუნდმა ერთზე მეტ წონით კატეგორიაში მიიღოს მონაწილეობა, შესაბამისი წესების დაცვით.

გუნდის წევრები პასუხისმგებლები იქნებიან საკუთარი რესურსებით შექმნან SUMO რობოტი და მოემზადონ ფინალური დღისთვის.

რეგისტრაციამდე საჭირო იქნება დაინტერესებული პირები გაეცნონ მონაწილეობისა და თითოეული კატეგორიის წესებს: -Mini SUMO კატეგორია - https://bit.ly/4bYBWJB - Mega SUMO კატეგორია - https://bit.ly/4rWpRJo

მონაწილეობის მსურველმა ელექტრონული სააპლიკაციო ფორმა უნდა შეავსოს არა უგვიანეს 2026 წლის 15 მაისისა: https://forms.gle/c8YDo8sYVyUDZqj96

ფორმას ავსებს გუნდის 1 წევრი

შეჯიბრის კატეგორიების არჩევისას გაითვალისწინეთ, რომ თითოეულ კატეგორიაში ერთი გუნდის მონაწილეობის საფასური შეადგენს 50 ლარს. საფასურის გადახდის დეტალებს შეგიძლიათ სარეგისტრაციო ფორმაში გაეცნოთ. გუნდების შერჩევის პროცესი მოიცავს ორ ეტაპს. პირველ ეტაპზე სააპლიკაციო ფორმის შერჩევის შემდეგ რეგისტრირებული მონაწილეები მიიღებენ საინფორმაციო მეილს. მეორე ეტაპზე შერჩეულ გუნდებთან მოხდება რობოტების გადამოწმება და საბოლოო დასტურის შემდეგ მოემზადებიან შეჯიბრის დღისთვის.

დამატებითი კითხვებისთვის შეგიძლიათ დაგვიკავშირდეთ მეილზე: info@gra.ge.